Rhwydwaith Lles Sir y Fflint

Cefndir

Beth yw’r Rhwydwaith Lles?

Cofrestr o bobl sy’n gweithio neu’n byw yn Sir y Fflint a sydd â diddordeb mewn iechyd a lles.

Nodau’r Rhwydwaith Lles

Hyrwyddo ymgysylltiad ystod eang o bobl yn natblygiad gwaith a gwasanaethau gwella iechyd a/neu les y sir.

Darparu cyfleoedd i rannu gwybodaeth, rhwydweithio a datblygu sgiliau

Ymaelodi â’r Rhwydwaith Lles

Gall unrhyw unigolyn sydd â diddordeb mewn gweithredu i wella iechyd a lles yn Sir y Fflint ac sy’n byw, yn gweithio neu’n darparu gwasanaeth di-elw yn y sir ymaelodi â’r Rhwydwaith Lles yn rhad ac am ddim.

Mae’r broses gofrestru’n gyflym a rhwydd (gweler ‘Ymuno â’r Rhwydwaith Lles'), ac unwaith mae unigolyn yn aelod o’r rhwydwaith, byddant yn elwa o gyfleoedd i

Gyfrannu at gamau i wella iechyd a lles
Derbyn gwybodaeth gan Swyddog Cymorth y Rhwydwaith Lles am ddigwyddiadau neu waith sy’n digwydd neu’n cael ei ddatblygu yn y sir
Rhannu gwybodaeth, sgiliau a syniadau gydag aelodau eraill y Rhwydwaith

Pa fath o waith fydd y Rhwydwaith yn ei wneud?

Prif ffocws y rhwydwaith yw atal salwch a hyrwyddo iechyd da fel y diffinnir yn y flaenoriaeth Gwella ac Amddiffyn Iechyd yn Iechyd Da, Gofal Da:

	ymarfer corff
	diet a maeth
	rhoi’r gorau i ysmygu
	camddefnyddio alcohol a sylweddau
	iechyd a lles y meddwl
	damweiniau ac anafiadau
	heintiau