Iechyd Rhywiol
Oeddech chi’n gwybod....
 |
Bod cyfraddau heintiau a drosglwyddir yn rhywiol yn cynyddu yng Nghymru. Er bod cynnydd dramatig wedi bod dros y blynyddoedd diwethaf, mae’n bwysig nodi eu bod yn dal i fod yn is na ffigyrau sawl rhan o’r Deyrnas Unedig. |
| Cyswllt allanol | Ydych chi’n poeni am eich iechyd rhywiol?........ ewch i’ch Clinig Gwasanaethau Iechyd Rhywiol lleol |
Oeddech chi’n gwybod....
|
Yng nghanol a diwedd y nawdegau, roedd y cyfraddau cenhedlu ymysg merched dan 16 oed yn uwch yng Nghymru nag yn Lloegr. Fodd bynnag, mae’r cyfraddau cenhedlu i rai dan 16 oed yn Sir y Fflint yn is na’r cyfartaledd i Gymru: 6.6 o bob 1,000 o ferched rhwng 13 a 15 oed o’i gymharu ag 8.0 o bob 1,000 ledled Cymru. |
Yn Sir y Fflint, rydym yn ceisio mynd i’r afael â’r materion hyn trwy nifer o brosiectau.
 |
Mae prosiect Addysg Rhywiol a Pherthnasoedd Ieuenctid a Chymuned Sir y Fflint yn rhaglen gynhwysfawr sy’n gweithredu ar hyd a lled y Sir. Nod cyffredinol y prosiect yw codi ymwybyddiaeth o iechyd rhywiol ymhlith pobl ifanc 11-25 oed. Caiff ei gyflwyno drwy addysg ffurfiol ac anffurfiol mewn ysgolion, colegau a chlybiau ieuenctid. Mae’n rhoi cyfleoedd addysgol i bobl ifanc, gan ganiatáu iddynt archwilio a meithrin y sgiliau, y wybodaeth a’r agweddau sydd eu hangen arnynt i ddysgu am eu cyfrifoldebau a’u hawliau fel aelodau gwybodus o’r gymdeithas. |
|
Un o fentrau’r prosiect yw cynllun Cerdyn C. Mae’r cynllun yn targedu pobl ifanc 13-25 oed gan mai ymhlith y bobl ifanc hyn y mae cyfraddau heintiau a drosglwyddir yn rhywiol ar ei uchaf. Caiff condomau a defnyddiau atodol eu darparu’n gyfrinachol ac yn ddi-lol er mwyn codi ymwybyddiaeth am berthnasoedd, rhyw mwy diogel, beichiogrwydd anfwriadol, heintiau a drosglwyddir yn rhywiol a HIV. Caiff trafodaethau eu sbarduno’n aml drwy’r cysylltiad hwn â phobl ifanc ynghylch gwahanol agweddau ar iechyd rhywiol ac mae modd eu cyfeirio hefyd at wasanaethau eraill sy’n delio ag iechyd rhywiol. Mae’r cynllun yn ffordd rwydd a chyflym i bobl ifanc gael condomau, mewn amgylchedd diogel lle mae cyfle iddynt hefyd gael cyngor a gwybodaeth am iechyd rhywiol a pherthnasoedd. |
|
Cydlynir y prosiect Addysg Rhywiol a Pherthnasoedd gan Bev Baines gyda chymorth Katie Gardener sy’n weithiwr cynorthwyol.
|
|
bev.baines@flintshire.gov.uk
01352 753914 |
 |
Mae Gwasanaeth Atal Cenhedlu Hormonaidd brys yn weithredol mewn rhai siopau fferyllydd… chwiliwch am y logo yn ffenestr eich fferyllydd lleol. |
|
Body Positive Sir Gaer a Gogledd Cymru Cynllun Cefnogaeth Symudol Bwriad y cynllun yw darparu cymorth yn gysylltiedig a thai i helpu pobl sydd yn byw gyda HIV gan eu cynnal i fyw’n anibynnol. Nod y cymorth ydyw helpu rhwystro problemau a allai arwain at y denantiaeth yn torri lawr gan achosi di-gartrefedd. Bydd gwasanaeth cefnogi pobl Body Positive yn gweithio gyda phobl sydd yn byw gyda HIV a bydd yn ffocysu ar bobl sy’n byw yng Ngogledd Cymru (Mon, Gwynedd, Conwy, Sir Ddinbych, Sir Fflint a Wrecsam). Am fwy o wybodaeth, cliciwch yma |
|
Encompass yw’r grŵp newydd i Lesbiaid, Hoywon, Pobl Deurywiol a Thrawsrywiol (LHDT) yn ardal gogledd Cymru a Swydd Gaer. I ddarganfod mwy am y grŵp, edrychwch ar http://www.encompass.btik.com/ |
|
Mae Fusion yn grŵp sydd wedi’i greu gan bobl ifanc yn Sir y Fflint ar gyfer pobl ifanc lesbiaidd, hoyw, deurywiol a thrawsrywiol. Mae’r grŵp yn cyfarfod yng Nghanolfan Ieuenctid Treffynnon ar nos Iau. Am fwy o wybodaeth, edrychwch ar: http://www.youngflintshire.com/young_lgbtq.asp |