Sgrinio Iechyd

Sgrinio ar gyfer Canser

Mae sgrinio ar gyfer canser yn golygu profi nifer fawr o bobl iach am arwyddion cynnar o fathau arbennig o ganser. Gall hyn gynorthwyo meddygon i ddarganfod unrhyw newidiadau annormal cyn i symptomau ddatblygu

Mae tair rhaglen sgrinio yn y DU, ar gyfer canser y fron, canser serfigol a chanser y coluddion:

Sgrinio Coluddyn Cymru

"Peidiwch â marw o gywilydd"

	Canser y coluddyn yw’r canser mwyaf cyffredin ond dau yng Nghymru. Mae 1,000 o bobl yn marw ohono bob blwyddyn yng Nghymru. Fodd bynnag, os caiff ei ganfod yn gynnar, mae hefyd yn un o’r mathau o ganser sydd hawsaf i’w drin.
	Mae sgrinio’r coluddion yn rheolaidd yn lleihau’r risg o farw o ganser y coluddyn 15%.
	Mae sgrinio’n canfod canser y coluddyn yn gynnar - yn aml pan nad oes symptomau - ond ar yr adeg pan fo triniaeth yn fwyaf effeithiol.
	Mae’r rhaglen Sgrinio Coluddion Cymru yn dechrau gyda phobl rhwng 60 a 69 oed. Os ydych rhwng 60 a 69 oed, cewch becyn sgrinio’r coluddion drwy’r post dros y ddwy flynedd nesaf.
	I gael rhagor o wybodaeth cysylltwch â’r Llinell Gymorth am Ddim ar 0800 294 3370

    
Sgrinio Canser Serfigol

Yng Nghymru, gwahoddir menywod 20 - 64 mlwydd oed i gael eu sgrinio bob 3 blynedd. Am wybodaeth bellach ynghylch y rhaglen sgrinio ar gyfer canser serfigol, cliciwch yma (Saesneg yr unig)

Sgrinio’r Fron

Yn Lloegr, Cymru a’r Alban, gwahoddir menywod i gael sgrinio’r fron rhwng yr oedrannau 50 - 70 bob tair blynedd. Am wybodaeth bellach ynghylch y rhaglen sgrinio’r fron, cliciwch yma (Saesneg yn unig)

Bron Brawf Cymru Uned Sgrinio Symudol

Telerau ac Amodau Defnydd | © 2008 Cygor Sir y Fflint | Site Designed by Hampson Solutions Ltd